24 Lingua

Apuntes

24 Lingua e sociedade 1 1. Formación da lingua galega A lingua galega ten a súa orixe no latín vulgar, isto é, no latín falado pola poboación romana. Este latín vulgar vai sufrir mudanzas fonéticas e léxicas por causa das linguas prelatinas e recibirá achegas léxi- cas coas invasións xermánicas e árabes posteriores. Para comprender a evolución da lingua galega, cóm- pre revisar os feitos históricos máis relevantes na súa formación. As tropas do imperio romano chegan á Península Ibérica no ano 218 a. C., mais demoran en conquis- tar a zona noroeste por mor dos diversos pobos que a habitaban. A derrota final do pobo galaico chega na famosa batalla do Monte Medulio no ano 25 a. C. A partir deste momento, iníciase a romanización da Gallaecia, que foi un lento proceso de asimilación e de incorporación dos pobos prerromanos á forma de vida e á lingua latinas e que fixo desaparecer os idiomas autóctonos. A fin do imperio romano prodúcese no século V coas invasións de distintos pobos xermánicos. Así, os suevos fundan en Braga no ano 411 o primeiro reino da Europa medieval e, posteriormente en 585, son invadidos polos visigodos. Pola súa parte, no ano 711 os árabes desembarcan na Península ...