Berrezarpenaren Sistema 11876219303

Apuntes

Berrezarpenaren Sistema (1876–1930) 1874ra arte Espainian kaos politikoa nagusitu zen: iraultzak, errepublika laburra eta karlisten gerrak. Egoera horretan, indar kontserbadoreek monarkiaren itzulera prestatzen hasi ziren Serrano jeneralaren gobernuaren babesarekin. Errege aukeratua Alfontso XII.a izan zen, Isabel II.aren semea, erbestean zegoena Erresuma Batuan. Monarkiaren berrezarpena bultzatu zuen gizona Antonio Cánovas del Castillo izan zen, “Bakea eta ordena” leloa erabiliz monarkiko guztiak batzeko eta erregimen liberal moderatu eta egonkor bat ezartzeko helburuarekin. Cánovasek idatzi zuen Sandhurstko Manifestua (1874), Alfontso XII.ak sinatua, non monarkia konstituzional ireki bat aldarrikatzen zen, tradizio katolikoa eta askatasun modernoak bateratuz, eta absolutismoa zein iraultza baztertuz. Manifestuak “katoliko ona eta benetako liberala” izatea aldarrikatzen zuen errege-eredu berri gisa. Urte berean, Martínez Campos jeneralak gidatutako Saguntoko altxamenduak monarkia berrezarri zuen eta Alfontso XII.a errege bihurtu zen. Berrezarpenaren sistema politikoaren oinarria 1876ko Konstituzioa izan zen. Subiranotasuna partekatua zen Koroaren eta Gorteen artean, eta aginte-ban...