Rosal1a de Castro

Apuntes

Rosalía de Castro BIOGRAFÍA Naceu en Santiago de Compostela en 1837, filla de nai fidalga e pai sacerdote, condición que a levou a ter que pasar a súa infancia na aldea de Ortoño cunha tía paterna, onde entrou en contacto coa vida rural que plasmou na súa obra literaria. Na adolescencia instalouse en Santiago de Compostela coa súa nai, onde frecuentou círculos intelectuais galeguistas, como o Liceo de la Juventud no que coñeceu a Eduardo Pondal e ao poeta Aurelio Aguirre e participou en veladas literarias. Casou co historiador Manuel Murguía, a quen coñeceu en Madrid. Morreu en Padrón en 1885, onde viviu os seus últimos anos. No seu carácter influíu a súa inclinación ao afastamento social e o seu pesimismo case conxénito, ademais de asumir a condición de muller literata con mágoa e rebeldía, sempre en loita cun medio hostil á presenza feminina, queixándose das dificultades coas que se atopaba, pois na sociedade do momento considerábase que o papel da creación literaria, como noutros moitos ámbitos, estaba reservado ao home. OBRA As súas dúas obras máis recoñecidas son Cantares gallegos (1863) e Follas Novas (1880). Con elas sobrepasou o terreo literario para se converter en símbolo...