2. GAIA -B

Apuntes

2. GAIA -BERREZARKUNTZAREN SISTEMA (1875-1930)- 2.1. SISTEMA POLITIKOAREN OINARRIAK, INDARRAK ETA OPOSIZIOA. 2.2. POLITIKA KOLONIALA. 2.3. EKONOMIA ETA GIZARTEA. AUZI SOZIALA. 2.3. BERREZARKUNTZA SISTEMAREN AZKEN KRISIA. 2.4. PRIMO DE RIVERAREN ESTATU KOLPEA ETA HAREN DIKTADURA. 2.1. SISTEMA POLITIKOAREN OINARRIAK, INDARRAK ETA OPOSIZIOA. Berrezarkuntzaren Hasiera eta Erregeak Seiurteko Iraultzak porrot egin ondoren, 1874an Borboi monarkia berrezarri zen, Alfontso XII.a, Isabel II.aren semearen eskutik. Honek Errestaurazioa deituriko aldi luzea (1874-1923) hasi zuen. Antonio Cánovas del Castillo izan zen dinastia borbondarraren eskubideen babesle nagusia. Cánovasek Alfontso Sandhursteko (Erresuma Batua) kadetea zen bitartean lortu zuen Isabel II.ak bere semeari erregetza uztea. 1874an, Alfontso Borboikoak Sandhursteko Adierazpena sinatu zuen, Cánovasek bultzatuta. Bertan, programa politiko berri bat iragarri zen: monarkia konstituzional eta integratzaile baten berrezarkuntza, garaiko ezegonkortasuna gainditzeko helburuarekin. Hala ere, plan horiei aurrea hartuz, Martínez Campos jeneralak altxamendu militarra egin zuen Sagunton, Alfontso errege aldarrikatuz. Aldi luze horretan hiru ...