IMMUNITATE

Apuntes

•Sistema inmunitario eta anomaliak Helburua patogenoen erasoei aurre egiteko gaitasuna lortzea da. Gaixotasun infekziosoak patogenoek eragiten dituzte, adibidez bakterioak, birusak, protozooak eta onddoak, gehienak kutsakorrak. Patogenoaren birulentzia gaixotasuna eragiteko gaitasuna da, adibidez toxinak sartzeko aukera. Ostalariaren erresistentzia, berriz, patogenoa jasotzen duenaren defentsa-sistema da, adibidez immunitate-sistema. Bizkarroi kantitatea edo karga birala, hau da, organismoan sartzen den birus kopurua, denbora igaro ahala alda daiteke. Patogenoek erresistentzia eskuratzea (adibidez bakterioek antibiotikoekiko) eta mutatzea (birusak) lor dezakete. Ostalariek, berriz, erresistentzia handitu dezakete elikadura hobetuz, edo ahultzeko arriskua izan daiteke gaixotasunen ondorioz. Horrek mikroorganismo oportunistek erasotzeko probabilitatea handitzen du. •Gaixotasun infekziosoen sailkapena Gaixotasunak, hedatzeko moduan, hauetan sailkatu daitezke: - Esporadikoak: modu puntual edo isolatuan gertatzen dira, adibidez infekatutako zauri bat. - Endemikoak: ohikoak eremu geografiko batean, eta eremu horretako biztanle kopuru handi bati eragiten diete, adibidez malaria. - ...