Departamento de Xeograf1a e Historia IE S San Rosendo de Mondo2edo

Apuntes

Departamento de Xeografía e Historia IE S San Rosendo de Mondoñedo Historia de España Tema 3: A Monarquía Hispánica -1- TEMA 3 A MONARQUÍA HISPÁNICA: A ÉPOCA DOS REIS CATÓLICOS E DOS AUSTRIAS O reinado dos Reis Católicos foi o punto de partida do Estado moderno en España. Durante o seu goberno tivo lugar: a creación da monarquía autoritaria, a unificación dinástica dos territorios, o descubrimento de América e a expansión ultramarina, a conquista de Granada e a unificación relixiosa. Desde 1516 ata 1700 a dinastía dos Austrias ocupou o trono de España. Durante o século XVI os Austrias Maiores (Carlos I e Felipe II), e durante o século XVII os Austrias Menores (Felipe III, Felipe IV e Carlos I). Se durante o século XVI a monarquía hispánica foi o Estado máis poderoso, durante o XVII iníciase o declive político que levou á perda da hexemonía mundial. Con todo, no mundo artístico e intelectual, impuxéronse o Renacemento e o Barroco con gran esplendor cultural. 1.- A creación da Monarquía Hispánica. Os Reis Católicos O matrimonio e posterior subida ao trono de Isabel de Castela e Fernando de Aragón supuxo a creación dun novo Estado que será denominado Monarquía Hispánica. Esta entidade...