PREGUNTAS DE RESPOSTA 1NICA

Apuntes

PREGUNTAS DE RESPOSTA ÚNICA A NOVA MONARQUÍA DOS REIS CATÓLICOS (prestar maior atención á unión dinástica e á reorganización político- administrativa) En 1469, as Coroas de Aragón e de Castela uníronse mediante o matrimonio entre Fernando, o fillo do rei de Aragón, e Isabel, a irmá do rei de Castela, ambos da dinastía dos Trastámara. Isabel I acadou o trono en 1474 trala vitoria na guerra civil sobre Xoana “la Beltraneja”. Pola súa banda, en 1479, Fernando herda o trono da Coroa de Aragón, unificando, deste xeito, as dúas grandes Coroas peninsulares baixo o poder do matrimonio, pero no documento denominado Concordia de Segovia (1475) os consortes pactaran que ambos os dous conservarían o seu poder en cada territorio, ante o temor por parte de Isabel de que Fernando pretendera ser declarado o único herdeiro lexitimo, por ser varón, nos dous reinos. Esta UNIÓN era, polo tanto, DE TIPO DINÁSTICO e en ningún caso implicaba unha unión política de ambos territorios, tiñan en común as persoas dos reis que as gobernaban conxuntamente, pero cada un conservaba a súa independencia política. En definitiva, non se fusionaron os territorios e cada unha das Coroas cons...