KOLONAURREKO AMERIKA

Apuntes

KOLONAURREKO AMERIKA Europarrak Amerikara iritsi zirenean hainbat herri eta zibilizaziorekin egin zuten topo. Amerikako Ipar eta Hegoaldean herrialde ehiztari-biltzaileak bizi ziren; Erdialdeko Amerikan, aldiz, herrialde nekazariak, horietako batzuk gizarte konplexutasun handikoak. Karibeko herri gehienak tribu txikietan antolatzen ziren eta bizi modu primitiboa zuten: tainoak eta karibeak, adibidez. Kontinentean zeudenek zibilizazio handiak sortu zituzten; maiak, inkak eta aztekak. 2.1 Maiak: Yucatan penintsulan bizi ziren, baita gaur egungo Mexiko, Guatemala, Belize, El Salvador eta Honduraseko hainbat lurraldetan ere. Zibilizazio hau hiru epetan banatzen da: Aurreklasikoa (K.a. 2500-K.o.250) Klasikoa (300-900) eta Postklasikoa (900- espainiarrak iritsi arte). Garai Klasikoan, oraindik historialariek zehatz ezagutzen ez dituzten arrazoiengatik, bat-bateko gainbehera bizi izan zuten. Aro Postklasikoan, aldiz, kultura berpiztu egin zen. Antolakuntza sozial eta politikoa: GEOGRAFIA ETA HISTORIA DBH 3. maila Ez zuten estaturik sortu. Buruzagi baten menpeko hiri independentetan antolatuak zeuden. Gizartea nobleek, apaizek, nekazariek eta esklaboek (gerra presoek) osatzen zuten. Ek...