BLOQUE 1.

Apuntes

BLOQUE 1. SÉCULOS XVI-XVII PREGUNTA 5. CONQUISTA E COLONIZACIÓN DE AMÉRICA: LEIS DAS INDIAS, REVOLUCIÓN DOS PREZOS. A creación do Imperio Colonial español parte da necesidade que tiña a propia Coroa de Castela de establecer as súas propias rutas comerciais cara ao Oriente e non depender de xenoveses, venecianos ou portugueses. O proxecto de Cristovo Colón foi aprobado polos Reis Católicos unha vez finalizada a conquista de Granada (xaneiro de 1492) e púxose en marcha co acordo das Capitulacións de Santa Fe (17 de abril de 1492), mediante as cales Colón conseguiu que os RR.CC. o nomeasen Almirante, Vicerrei e Gobernador Xeral de todos os territorios que descubrira, ademais dun dez por cento de todas as mercadorías que atopase (a Coroa quedaría co 90% das riquezas, ademais de todo o territorio conquistado e a poboación que o habitase). A primeira fase da conquista de América (á que chamaron As Indias, lembrando que Colón cría que chegara a Asia) traduciuse na ocupación de gran parte das illas caribeñas (1492-1519). Así pois, tras dúas décadas de exploracións, en 1519, comeza verdadeiramente a conquista do continente. Nese ano, Hernán Cortés parte cara á conquista de México, logrando ...