O Ascenso do Nazismo en Alemaña: de Hitler ao III Reich e as políticas de guerra

Apuntes

Pero houbo graves problemas: revoltas comunistas, descontento dos alemáns co Tratado de Versalles, a hiperinflación en 1923 (enorme subida dos prezos porque para pagar as reparacións de guerra o goberno emitiu moitos billetes sen respaldo no ouro, e o marco perdeu valor. En 1918, 1 dólar equivalía a 4 marcos, en 1923 equivalía a 4'2 billóns de marcos) e a crise de 1929 porque os Estados Unidos retiraron os préstamos e as inversións. En 1920, Hitler fundou o Partido Nazi, cuxa ideoloxía se recolle nos “25 puntos” e no libro “A miña loita”, que escribiu no cárcere tras ser detido polo “golpe da cervexa” de Múnich en 1923: - A aria é a raza superior e para mantela pura hai que eliminar a discapacitados e homosexuais, e os arios non poderán mesturarse con outras razas. - Conquista dun espazo vital no leste (Rusia) para asegurar o progreso da raza aria. - Panxermanismo ou unión de todos os territorios de lingua alemá. - Abolición do Tratado de Versalles porque humillou a Alemaña. - Antisemitismo. Os xudeus eran o 1% da poboación alemá (500.000) pero foron culpados dos males de Alemaña. Foron catalogados de grupo racial, non como un grupo relixioso. Coas Leis de Nuremberg en 1935, perder...