1. Bigarren Industria Iraultza

Apuntes

1. Bigarren Industria Iraultza 1870etik 1914ra bitartean, ekonomia-garapenaren bigarren aldi bat izan zen Europan. Energia-iturri berriak erabiltzen hasi ziren, baita industria berriak sortzen ere. Garraiobideetan eta komunikazioetan, aurrerapauso handiak gertatu ziren. Aldi horretan, enpresa-kontzentrazioa gertatu zen, eta finantza-kapitalismoa garatu zen; batetik, nazioarteko merkataritzan lehia handiagoa sortu zelako, eta, bestetik, britainiarrek industria-nagusitasuna galdu zutelako, Europa barnean zein kanpoan industria-potentzia berriak agertu baitziren. 1.1. Energia-iturri eta industria berriak Ikerketaren eta enpresaren arteko harremana asko estutu zen XIX. mendearen bigarren erdian. Sasoi horretatik aurrera, asmakizunak patente bidez babesteko premia zegoela ikusi, eta horretan hasi ziren. Gainera, zientziak, ingeniaritzak eta industriak elkarrekiko gero eta mendekotasun handiagoa zutenez, ikerketarako laborategi publiko nahiz pribatuak ireki zituzten. Sektore ugaritan izan ziren berrikuntza handiak: kimika aplikatuan, armagintzan, garraiobideetan, medikuntzan, eta abar. Garai hartan sortu ziren argazkigintza eta zinema ere, bai eta elikagaiak kontserbatzeko, gordetz...