TEMA 1- A TERRA NO UNIVERSO

Apuntes

TEMA 1- A TERRA NO UNIVERSO 1.1.A orixe do universo O universo defínese como todo o que existe fisicamente: a totalidade do espazo e do tempo, das formas da materia, a enerxía, e as leis e constantes físicas que as gobernan. 1.1.1.O big-bang Na actualidade, a teoría máis aceptada sobre a explicación da formación do universo coñécese como a teoría do big-bang. Esta teoría explica que toda a materia que existe formouse hai uns 13.730 millóns de anos. Alexander Friedmann e Georges Lemaître, predixeron, por separado e con todo detalle, que todo o universo observable debeu estar unha vez concentrado no mesmo sitio e tivo que atravesar unha fase de expansión e xurdir a partir dunha gran explosión. Na orixe, toda a enerxía do universo observable estaba concentrada nun estado de densidade infinita. Despois do big-bang, o universo comezou a expandirse, creando á vez as partículas elementais, o espazo e o tempo, para chegar á súa condición presente. O universo segue expandíndose na actualidade. Nos primeiros instantes, 10 –35 segundos despois da explosión (que en realidade non foi unha explosión, senón unha descompresión), o universo era moi quente e non se podería producir a formación de át...