1 A LITERA

Apuntes

1 A LITERATURA DE PREGUERRA (1900-1936) 2 3 TEMA 1 A POESÍA DAS IRMANDADES DA FALA CARACTERÍSTICAS, AUTORES E OBRAS REPRESENTATIVAS 1.INTRODUCIÓN As Irmandades da Fala foron unha serie de grupos galeguistas, aos que estiveron ligados practicamente todos os escritores da época, que se formaron a partir de 1916 para potenciar a lingua galega. O seu papel foi fundamental no desenvolvemento da literatura anterior á guerra civil. No seu empeño de defensa e revalorización do idioma, loitaron pola presenza da lingua galega no ensino e o seu uso nos actos públicos e potenciaron a difusión de xéneros literarios como a narrativa e o teatro. Moitos dos integrantes das Irmandades da Fala tamén cultivaron a poesía. De entre un número non pequeno de poetas, que serviron de ponte entre o Rexurdimento e a ruptura estética que supuxo a irrupción das vangardas, destacan Antonio Noriega Varela e Ramón Cabanillas. Este último é considerado unanimemente pola crítica como o poeta máis importante desta época. A poesía dos primeiros anos do século XX estivo moi marcada pola estética do Rexurdimento e tivo as súas fontes de inspiración nas tres grandes figuras deste período (Rosalía, Curros e Pondal). 2.RA...