AS CORTES

Apuntes

AS CORTES DE CÁDIZ E A CONSTITUCIÓN DE 1812 En maio e xuño de 1808, durante a Guerra de Independencia, numerosas vilas e cidades formaron Xuntas para enfrontarse ao ocupante francés. Estaban formadas por unha composición moi variada, controladas na maioría dos casos polas elites dominantes. En cada poboación xurdiu unha xunta local. Para maior coordinación, as xuntas provinciais formaron a Xunta Suprema Central de España e Indias que exerceu o goberno de España. Durante a guerra, xurdiu a necesidade de convocar unhas Cortes Xerais e Extraordinarias para lexitimar a acción política ante o baleiro de poder e facer reformas, pero había distintas ideas: -A maioría dos nobres e eclesiásticos trataban de restablecer o sistema político tradicional, o absolutismo. -Os liberais eran conscientes da oportunidade presentada para unha transformación política que restrinxira o poder real e establecera unha Constitución baseada na soberanía da nación e separación de poderes (liberalismo). As Cortes reuníronse en Cádiz o 24 de setembro de 1810. Predominaron os deputados de clases medias, aínda que tamén tiñan moito protagonismo os eclesiásticos, avogados, militares… sempre divididos ideolóxicament...